Er kalda vatnið volgt og þarf að renna til að kólna?
Kíktu á sigtin í blöndunartækjunum, skýringin gæti verið hálfstífluð sigti.
Er ólykt frá gólfniðurfallinu?
Prófaðu að setja frostlög í niðurfallið í stað vatns, hann gufar ekki upp.
Sportlagnir ehf. er fyrirtæki á sviði pípulagna og er í eigu Arnar Hafsteinssonar, pípulagningameistara.Örn er með víðtæka reynslu af rekstri fyrirtækja og félagsstörfum.
Örn hóf nám í pípulögnum árið 1977 og útskrifaðist sem sveinn vorið 1981. Hann stundaði framhaldsnám í Meistaraskóla byggingarmanna á árunum 1983 og 1984 og hlaut meistararéttindi í pípulögnum í febrúar 1985. Frá 1981 rak Örn pípulagningafyrirtæki ásamt læriföður sínum, Kjartani Hjörvarssyni, pípulagningameistara, en frá 1985 hóf hann rekstur í eigin nafni. Í störfum sínum sem pípulagningameistari hefur Örn unnið að stórum jafnt sem smáum verkum.
Árið 1995 hóf Örn störf sem byggingarstjóri við stórt íþróttamannvirki og var í framhaldi af því ráðinn til að reka viðkomandi mannvirki.
Hann var framkvæmdastjóri og sá um rekstur íþróttafélags í Reykjavík í tæp tuttugu ár. Örn hefur bætt við sig námi á ýmsum sviðum rekstrar og verkefnastjórnunar og unnið í nánu samstarfi við opinberar stofnanir.
Örn leggur áherslu á öguð og fagleg vinnubrögð. Reynsla hans af rekstri og utanaumhaldi mannvirkja gerir það að verkum að hann skilur vel þörf viðskiptavina fyrir faglega, en um leið skjóta, þjónustu.
Átakið „Allir vinna" hefur verið framlengt til 31. desember 2014. Endurgreiðsla virðisaukaskatts verður áfram 100% á árinu 2014.
Með allt uppi á borðinu færðu virðisaukaskattinn endurgreiddan
Það er einfalt að sækja um endurgreiðslu virðisaukaskattsins. Farðu inn á www.skattur.is, skráðu þig inn og fylltu út eyðublaðið „beiðni um endurgreiðslu virðisaukaskatts." Halda þarf til haga frumritum af öllum reikningum sem greiddir hafa verið vegna vinnu á byggingarstað. Reikningarnir þurfa að vera sundurliðaðir í efniskostnað annars vegar og vinnukostnað hins vegar.
Reikningum og staðfestingu á að þeir hafi verið greiddir er síðan skilað til ríkisskattstjóra sem endurgreiðir virðisaukaskattinn.
Sportlagnir sérhæfa sig í þjónustu við húsfélög og fasteignafélög .
